Archive for the ‘சாப்பாடின்றி வேறில்லை!’ Category

ஒரு முன்கதை நிச்சயம் இங்கு தேவை. மாட்டிறைச்சி அந்தாதியும், கோழிக்கறி அகவலும் பாடிய எனக்கு, கடல் வாழ் உயிரினங்களான மீன்கள் மீது ஒரு சின்ன வெறுப்பு இருந்த வண்ணமே இருந்தது. இன்று அவைகளை விரும்பி சாப்பிட ஆரம்பித்த பிறகு, ஏன் இத்தனை வெறுப்பு என பல சமயங்களில் யோசித்ததுண்டு.

திரும்ப திரும்ப நினைவுக்கு வருவதெல்லாம், நான் பள்ளிப்பருவத்தில் குடியிருந்த காலனியும் அங்கு பெரும்பாலும் சனி-ஞாயிறு நாட்களில் மிதிவண்டியில் வரும் இறால் கூடைகளும் தான். அதனை விற்று வருபவர் எழுப்பும் ‘எற ரா எற ரா ஏற ராஉ’ கூப்பாடும், அதனை என் தம்பி கிண்டல் செய்வதும் வேடிக்கையாக இருந்திருக்கு. ஆனால் அந்த இறால் கூடை திறந்திருக்கும் போது வெளியேற்றும் நாற்றம் என் வயிற்றை பிரட்டிய தருணங்கள் என்னை ஒரு முடிவுக்கு வரவழைத்தது. “கடல்/நதி வாழ் உயிரினங்கள் அனைத்துமே இந்த குமட்ட வைக்கும் வாசம் உடையவையே”

திருமணத்திற்கு பிறகு, கணவனும் என் நண்பர்களும் பல முறை மீன் ருசியின் துதி பாடிய போதும், என் முடிவில் திடமாக நின்றேன். மாட்டிறைச்சி, கோழிக்கறி சாப்பிட ஆரம்பிப்பதற்கு முன் திமிராக உரைத்த அதே உப்பு சப்பற்ற வாக்கியம், “இல்ல எனக்கு பிடிக்காது…சைவ சாப்பாடுல இருக்கற சுவை போதும்; மைசூர் ரசத்துல இல்லாத சுவையா மாமிசத்துல வரப் போகுது”. இந்த வாக்கியத்தை கேட்ட பலரும் மனதில் மட்டும் நினைத்திருப்பர்…வாய்விட்டு கேட்டதென்னவோ என் கணவன் மட்டும் தான், “நீ சாப்பிட்டதே இல்லன்னு சொல்ற, அப்பறம் அது பிடிக்காதுன்னு எப்படி சொல்லுவ” . என் ஈகோ அன்று சுளீரென அறை வாங்கியது இன்றும் நினைவில் உள்ளது. சப்பக்கட்டு கட்ட எதுவும் யாரும் துணை இல்லாத காரணத்தினால், தோல்வியை ஒத்துக்கொண்டேன். அன்று அந்த தோல்வியை ஏற்றுக்கொள்ளாமல் இருந்திருந்தால், சிக்கன் 65, beef rendang, மட்டன் பிரியாணியின் சுவைகளை என் நாவு ருசிக்காமலே இருந்திருக்கும்.

சரி திரும்ப பதிவு தலைப்புக்கு…
இறாலால் நீர் வாழ் உயிரினங்களையே வெறுத்த நான்…முதன் முதலில் உண்டதென்னவோ இறால் தான்.
இங்கு சிறப்பு அங்காடிகளில் (supermarket), கடல் உணவு (sea food) வாங்கும் இடத்தில் வரிசையில் நிற்கும் போது, பெரும்பாலும் இறால் வாங்காமல் வந்ததில்லை. இறால் தொக்கு, இறால் fried rice, சிம்பிள் இறால் stir fry என அன்று சமைக்கும் moodக்கு ஏற்றது போல், இறால் பதார்த்தமும் மாறும். இறாலை பொடி பொடியாய் நறுக்கும் போது அந்த தெளிந்த நீரோடையின் வாசம்…ஒரு நிமிடம், நம் சமையலறை தான்…குளக்கரைக்கு நகர்ந்து விட்டதோ என நினைக்கத் தூண்டும். ஆனால் இன்றும் அந்த கூடையில் இருந்த இறால் மட்டும் அத்தனை துர்நாற்றத்தை ஏன் வெளியேற்றியது என்பது புரியாத புதிர்:(

Prawns

என்னதான் கோழிக்கறி ருசியானது எனினும், ‘சும்மா சும்மா’ கோழி குழம்பையும், கோழி பிரியாணியையும் உண்ண முடியாது. அதே போன்று, இறாலுடன் நிறுத்தி விட்டால் கடல் அன்னையின் கோபத்திற்கு ஆளாக வேண்டி இருக்கும் என பயந்து, என் நாவிற்கு அறிமுகம் செய்தவை…கெண்டை, காள, கெளத்தி போன்ற மீன் வகையறாக்கள். ஒரு மீன் வகையென கூறி இன்னொன்றை கொடுத்தால் தெளிவாக வித்தியாசம் சொல்ல முடியுமா தெரியாது, ஆனால் முடிந்த வரையில் புதுப்புது வழிகளில் மீனை சமையலில் பயன்படுத்த வேண்டும் என்பதில் மட்டும் தெளிவாக உள்ளேன்.
அன்று அப்படித்தான்…basa எனும் மீன் வகை (கெளத்தியா என சரியாய் தெரியவில்லை) வாங்கி, இரவு சாப்பாட்டிற்கு என்ன செய்யலாம் என இணையத்தை புரட்டிக்கொண்டிருந்த போது, கண்ணில் பட்டது தான் basa fish cake.
கொஞ்சம் வேலைப்பாடு இருந்த போதிலும் (முதலில் மீனை ஓவனில் bake செய்து, அதனை உதிர்த்து, வெங்காயம், கொத்தமல்லி, மஞ்சள் போடி, உப்பு, மிளகாய் பொடி சேர்த்து வடை போல் தட்டி, பொறிப்பதே fish cake செய் முறை)
இரவு சாப்பாட்டிற்கு வேலை பளு அதிகம் என்ற போதிலும், ரைஸ் noodles உடன் அந்த basa fish cake கூட்டணி வெற்றிக் கூட்டணி!

basa fish cakes with asian noodles

கடல் உணவின் இன்னொரு சிறப்பம்சம், அதனை சமைக்க எடுக்கும் நேரம். 2 மணி நேரம் மசாலா வகைகளை தயார் செய்ய எடுத்துக்கொண்டாலும், அந்த மீன் துண்டுகளை சட்டியில் போட்ட 10வது நிமிடம், “நான் தயார்”, என பல்லிளித்தப்படி காட்சி அளிக்கும்.
சாதாரணமாக உறைந்த (frozen) மாட்டிறைச்சி அல்லது கோழிக்கறி, குறைந்தது அரை நாளாவது உருக வைக்க வேண்டி இருக்கும். ஆனால் மீனோ, 2 மணி நேரத்தில், “சமையலுக்கு நான் தயாருங்கோ”, என நிற்கும்.
எல்லாவற்றையும் விட முக்கிய சிறப்பம்சம், அதில் இருக்கும் சத்தும், உண்பதனால் கிடைக்கும் நல் பயன்களும். கோழி இறைச்சியில் கொழுப்பு நிறைந்த வகை, கொழுப்பு குறைந்த வகை என இரண்டு உண்டு. அதே போன்று மாடு, ஆடு இறைச்சியிலும் உண்டு. ஆனால் பெரும்பாலான மீன் வகைகளில், கொழுப்பு என்பது மிகவும் குறைவு, புரதச்சத்தில் குறைவேதும் இல்லாமல். பிறகென்ன, மீன் குழம்பு தாறுமாறாக இருக்கும் தருணத்தில், இரண்டு மூன்று துண்டு அதிகமாக உண்டாலும், தீங்கொன்றும் இல்லை…(ஏற்கனவே 10-12 துண்டுகள் உள்ளே போய் விட்டதெனில், இன்னும் அதிகம் திணிக்க வேண்டுமா என்பது உங்களின் தனிப்பட்ட விருப்பம்)

food pics - collage

வாரத்தில் இரண்டு மூன்று முறையாவது கடல் உணவு உண்பது நல்லது என டாக்டர்களும் கூறும் போது, வேறு என்ன விளக்கம் தேவை?
இத்தனை நற்குணங்களையும் தன் உள் கொண்டு, வாய்ப்பேசா ஜீவனாக நீரினுள் மூழ்கி இருக்கும்…கடல் வாழ் வள்ளல்களுக்கு, ஒரு புகழாரம் செலுத்தாது பதிவினை முடிப்பது நல்லதன்று.
“உன்னை வெறுத்தேன்;
உன்னை உண்பவரை கடிந்தேன்
வாழக்காய் பஜ்ஜி இருக்க இந்த
கடல் வாழ் பட்சி எதற்கு என திமிரில் அலைந்தேன்
தரையில் உள்ளவையைத்தான் விடவில்லை, கடல் நதியில் திரிவதையுமா என ‘சைவ’ சித்தாந்தம் பேசினேன்
பருப்பு வகையறாக்களில் கிடைக்காத புரதச் சத்தா, என புலம்பித் தள்ளினேன்
“என் மேல் இறக்கம் இல்லையா”, என இறால் குரல் எழுப்பும் வரையில்.
கொழுப்பின்றி புரதமா என வியந்தேன்
இரண்டே மணி நேரத்தில் தடபுடல் சமையல் தயாராவதைக் கண்டு திகைத்தேன்
இரவு சாப்பாட்டிற்கு செய்த மீன் குழம்பு அடுத்த நாள்
அதிக ருசியாய் இருப்பதை கண்டு கொஞ்சம் நிலை தடுமாறினேன்
யாம் பெற்ற இன்பம் பெருக இவ்வையகமும் என முடிவு செய்தேன்
மடிக்கணினியில் ஒரு பதிவும் எழுதி முடித்தேன்”

ரொம்ப நாள் கழிச்சு பதிவு எழுதும் போதெல்லாம்,’ice breaker’ஆ இருக்கறது என்னவோ ஒரு நல்ல சமையல் குறிப்புதான். இந்த தடவையும் அப்படித்தான்

இந்த பதிவு எழுத காரணியா இருந்த டிஷ் ‘Prawn and avocado quesadilla’
அன்னிக்கி சிற்றுண்டிக்கு கட்டாயம் bread கெடையாதுன்னு முடிவு செஞ்சேன். புதுசா ஏதாவது செய்யனும்னு mood உம் இருந்தது. அப்ப கண்ணுல பட்டது Pete Evans ஓட சமையல் குறிப்பு புத்தகம் ஒன்னு
நம்ம ‘kitchen superstar’ மாதிரி இந்த ஊர்ல ஒளிபரப்பு ஆகற ஒரு நிகழ்ச்சி ‘My Kitchen Rules’
அதுல நடுவரா வருபவரு Pete Evans. விதவிதமான சமையல் வகைகளுக்காக பாக்கறது ஒரு reasonனா,Pete குடுக்கற தீர்ப்பு, குட்டி குட்டி டிப்ஸ், இந்த நிகழ்ச்சி பாக்கறதுக்கான இன்னொரு ரீசன். (ஆளும் பாக்க நல்லா இருப்பாரு என்பது மூணாவது ரீசன் ;))

pete evans

அந்த புத்தகத்துல சிற்றுண்டி வகைகள் பாத்துட்டு இருக்கும் போது, quesadilla கண்ணுல பட்டது. அதுல போட்டிருந்த எல்லா பொருளும் வீட்டுல இல்லாட்டியும். அதுதான் அன்னிக்கி சிற்றுண்டினு முடிவு செஞ்சேன்.
Quesadilla – அதாவது கெசடியா, ஒரு மெக்சிகன் (mexican) உணவு வகை.
“அந்த ஆங்கில பேர்ல ‘L’ இருக்கேமா… என்னவோ ‘கெசடியா’னு சொல்ற”னு கேக்க போறீங்கனா..ஒரு எசுப்பானிய (Spanish) மொழிச்சொல்ல ஆங்கிலத்துல மொழிப்பெயர்ப்பு செஞ்சவங்கள தான் கேக்கணும்!!

சரி இப்ப சமையல் குறிப்பு…

தேவையான பொருட்கள்…

சோளம் – 1
குடைமிளகாய் – 1
காளான் (பட்டன் வகை) – 6-7
வெள்ளை பூண்டு – 5 பல்லு
வெங்காயம் – 1
பச்சை மிளகாய் – 2
துருவின பாலாடைக்கட்டி (Grated Cheese) – அரை கப்
தக்காளி – 1
ஒரேகனோ (oregano) – 1 தேக்கரண்டி (இது இல்லனா ஒன்னும் பிரச்சனை இல்ல; சீரகம் இல்ல பெருஞ்சீரகம் போட வேண்டியதுதான்)

இங்க ஒன்னு சொல்லிக்க விரும்பறேன்…வேற நாட்டு சமையல் வகைகள வீட்டுல செய்யும் போது, ஒரு ரெண்டு மூணு பொருட்கள் இல்லேனா, idea வ கைவிட்டுற மாட்டேன்…உடனே வீட்டுல அதுக்கு ஒப்பான பொருட்கள் இருந்தா அத சேத்துடுவேன் 🙂 (ஆனா ‘authentic’ஆ செய்யனும்னா..கட்டாயம், அந்த சமையல் குறிப்புல இருக்கற எல்லா பொருட்களையும் சரி பாத்துட்டு தான் வேலைய ஆரம்பிப்பேன்)
readymade சப்பாத்தி – 2
தாவர எண்ணெய் (vegetable oil) – 2 டேபிள்ஸ்பூன்
மிளகாய் தூள் – 1 தேக்கரண்டி
கொத்தமல்லி – ரெண்டு கொத்து
தக்காளி sauce – 2 மேசைக்கரண்டி
உப்பு – தேவையான அளவு

quesadlla

செய்முறை விளக்கம்

1. சோளத்துல உமிய நீக்கிட்டு, கொதிக்கற தண்ணில வேக வைங்க.
2. அது வெந்துட்டு இருக்கும் போது, குடை மிளகாய், காளான், வெங்காயம், தக்காளி, பூண்டு, கொத்தமல்லிய நறுக்கி வச்சுக்குங்க.
3. வெந்த சோளத்த உதுத்துக்குங்க
4. ஒரு பொரித்தட்டுல கொஞ்சம் எண்ணெய் விட்டுக்குங்க. சீரகம் இல்ல பெருஞ்சீரகம் பயன்படுத்த போறீங்கனா, எண்ணெய் சூடானதுக்கு அப்பறம் சேருங்க. கொஞ்சம் வதக்கினதுக்கு அப்பறம், வெங்காயம், மிளகாய், பூண்டையும் சேருங்க.
5. வெங்காயம் ஒரு பொன்னிறம் ஆன உடனே, நறுக்கி வச்ச தக்காளி, குடைமிளகாய், காளான்,உதுத்த சோளத்த சேருங்க. காரத்துக்கு தகுந்தா மாதிரி மிளகாய் தூள் சேத்துக்குங்க.
6. ஒரேகனோ இருந்தா இந்த எடத்துல சேருங்க.
7. தேவையான உப்பு கலந்து, கொத்தமல்லிய சேத்து அடுப்ப நிருத்தீடுங்க.
8. ஒரு சப்பாத்திய நாலா வெட்டிக்குங்க. Contact grill இருந்தா, அத சூடாக்குங்க. இல்ல, ஒரு தவா ல கொஞ்சம் எண்ணெய் விட்டு சூடாக்குங்க.
9. grill இல்ல தவா சூடான உடனே, வெட்டி வச்ச சப்பாத்தி துண்டுகள ஒன்னு மேல ஒன்னு படாத மாதிரி வைங்க.
10. கொஞ்சம் வெதுவெதுன்னு ஆன உடனே, செஞ்சு வச்ச சோளம், குடைமிளகாய் கலவைய ஒவ்வொரு சப்பாத்தி துண்டு மேலயும் தேவையான அளவு பரப்புங்க
11. அடுத்து Grated cheese தேவையான அளவு ஒவ்வொரு சப்பாத்தி துண்டு மேலயும் தூவுங்க
12. கடசியா தக்காளி சாஸ சேத்து, வெட்டி வச்ச மீதி 4 சப்பாத்தி துண்டுகள sandwich மாதிரி தவால இருக்கும் சப்பாத்தி துண்டுகள் மேல வைங்க.
13. அடுப்ப கொஞ்சம் சின்னதாவே வச்சுக்குங்க. ஒரு 2 நிமிஷம் ஆனதுக்கு அப்பறம், மெதுவா சாண்ட்விச்ச திருப்பி போடுங்க. ரெண்டு பக்கமும் ஒரு பொன்னிறம் ஆகும் போது, அந்த சீசும் அழகா உருக ஆரம்பிக்கும்.
14. அவ்வளவுதான்…தட்டுல வச்சு, மேல கொஞ்சம் தக்காளி sauce இல்ல புதினா sauce இருந்தா தடவுங்க. தடபுடலான சிம்பிள் சிற்றுண்டி தயார்!

சைவ உணவில் மட்டும் ‘stuck’ ஆகியிருந்த என்னை, விடுவித்த ‘steak’கிற்கு இந்த அந்தாதி சமர்ப்பணம்!!

அன்று வெகு நாட்களுக்குப் பிறகு…’deli’யில் உன்னை பார்த்தேன்.

“Hi steak …I am அனு. நான் இத சொல்லியே ஆகணும். நீ அவ்வளவு tasty!! இங்க எவ்வளவு எவ்வளவு ருசியா ஒரு …இவ்வளவு ருசிய சுவச்சிருக்க மாட்டாங்க…and I am in love ” என சொல்லத் துடித்தேன்.

அந்த இக்கட்டான நிலையில், உன் கண்களை சந்திக்கும் தைரியம் மட்டும் எனக்கு இல்லை. தற்செயலாக நம் கண்கள் ரெண்டும் முட்டிக்கொண்டன. அப்பொழுது…இருவரின் நடுவில் நடந்த உணர்ச்சிப் போராட்டம்….
“steak இல்லாம இருந்து காட்டறேன்னு தான இப்படி செஞ்ச”, என நீ கண்ணில் செந்நீருடன் வினவ,
“அதெல்லாம் இல்ல…என்ன நம்பு….நான் இருந்த நெலம அப்படி”, என நான் சப்பக்கட்டு கட்ட,
“ஏதோ திரும்பி வந்தியே…அதுவே போதும்”, என கூறியபடி, தராசிலிருந்து என் கைகளில் தாவினாய்! அந்த நொடி….’God Particle’ கண்டுபிடித்த ‘Higgs Boson’ தோற்றார்.

கீரை மற்றும் காய்கறி வகைகளில் மட்டுமே துவண்டு போயிருந்த என நாக்கை…குத்தாட்டம் போட வைத்தாய்;
கோழிக்கறியின் கொ.ப.செ வாக இருந்த என்னை….கட்சித்தாவல் செய்ய செய்தாய்;
Grillலின் மேலிருந்து ‘ருசி ருசி’ என ‘சிக்னல்’ கொடுத்து, ‘பசி பசி’ என வயிற்றை அலற வைத்தாய்;
mushroom sauce மற்றும் mashed potato உடன் சேர்ந்து நீ தட்டின் மேல் வீற்றிருந்த கோலம்…காண கண்ணிரண்டு போதவில்லை.

வாயினுள் ஒரு துண்டு போன அந்த நிமிடம்….பல முடிவுகளுக்கு வந்தேன்!
“வந்தேன்டா பால்காரன்”, பாடலை எழுதியவர்….ஒன்று பாடல் வரிகளுக்கு அரைகுறையாக ஆராய்ச்சி செய்திருக்க வேண்டும் …அல்லது மாட்டிறைச்சி உண்ணும் பாக்கியம் இல்லாத ஆத்திகனாய் இருந்திருக்க வேண்டும்.
பின்ன,
“அட மீன் செத்தா கருவாடு….நீ செத்தா வெறுங்கூடு கண்ணதாசன் சொன்னதுங்க
பசு இருந்தாலும் பாலாகும் செத்தாலும் தோலாகும் நான் கண்டு சொன்னதுங்க”
என்ற வரிகள் இன்னும் கொஞ்சம் பலமாக இருந்திருக்கும்…அவர் கீழ்கண்ட படத்தினை பார்த்திருந்தால்

மேற்கண்ட படம் T .ராஜேந்தர் கண்ணில் பட்டதே இல்லை…என்பது உள்ளங்கை நெல்லிக்கனி
“தடாகத்தில் மீன்ரெண்டு காமத்தில் தடுமாறி
தாமரை பூ மீது விழுந்தனவோ
இதைக்கண்ட வேகத்தில் பிரம்மனும் மோகத்தில்
படைத்திட்ட பாகம்தான் உன் கண்களோ”
“இடையின் பின் அழகில் இரண்டு குடத்தை கொண்ட
புதிய தம்புராவை மீட்டிச்சென்றாள்”
“கலை நிலா மேனியிலே…சுளை பலா சுவையை கண்டேன்”
ஒரு பெண்ணின் அழகை இத்தனை ரசனையுடன்…அக்கு அக்காய் பிய்த்து வைப்பவர், மேல்கண்ட படத்தை பார்த்திருந்தால்….புகழ்ந்து தள்ளி இருப்பார். ‘மைதிலி என்னை காதலி’யை தொடர்ந்து, ‘மாட்டிறைச்சி என்ன மாத்திறிச்சி’ என ஒரு படம் எடுத்து, அதன் வெள்ளி விழாவில், பசுமாட்டினை மேடை ஏற்றி இருப்பார்.

“ரொம்ப புகழறீங்களே”, என நீ அந்த சாதுவான முகத்துடன் குழைவது புரிகிறது
அந்தாதியை பாதியில் நிறுத்த கடியாகத்தான் இருக்கிறது…நீ கேட்டுக்கொள்ளும் பொருட்டு…
தோறனையில் (oven) நுழைய ‘Beef & Mushroom Pie’ தயாராக இருக்கிறது. பைய்யுடன் சர்க்கரைவள்ளி வருவலையும் சேர்த்து இரவு சாப்பாடு களைகட்ட உள்ளது.
தின்று முடித்து ஒரு திருப்தி ஏப்பத்தை விட்டு….உளமாற நன்றி கூறி முடித்துக்கொள்கிறேன்!!

அன்னிக்கி வேலை முடிச்சிட்டு வர்றதுக்கு 7:30 மணி ஆயிடிச்சு. இருந்த அசதிக்கு, வீட்ல சமைக்கவே மனசில்ல. அப்பத்தான் மத்திய பிரதேசத்தின் சூடான செய்தி ஒன்னு காதுக்கு எட்டினது. எங்க இருந்து அந்த உத்வேகம் பொறந்துச்சு தெரியல…மாட்டிறைச்சி வச்சு ஏதாவது செய்யனும்னு முடிவு செஞ்சேன்.
மேற்கு உலகத்துல…ஆட்டிறைச்சிய இந்திய கறிமசாலா பொருட்கள வச்சு செய்யற ஒரு கறி ‘lamb madras’. அதே மாதிரி ‘பீப் மெட்ராஸ்’னு ஏதாவது இருக்குமான்னு இணையத்த தேடினேன். அப்படி எதுவும் கண்ணுல தென்படல…லாம்ப் மெட்ராஸ் கறிய, மாட்டிறைச்சி வச்சு செய்ய முடிவு செஞ்சேன். எப்பவும் போல…என் படைப்பாற்றலும் அங்க அங்க தென்படும்…:)

தேவையான பொருட்கள்:
மாட்டிறைச்சி, துண்டு துண்டா வெட்டியது (diced) – 500 gm
மஞ்சள் பொடி – 2 சிட்டிகை
உளுத்தம் பருப்பு – 2 Tbsp
வெந்தயம் – 2 tsp
ஏலக்காய் – 4
பெருஞ்சீரகம் – 1 Tbsp
கிராம்பு – 3
கருவேப்பிலை – 10-15
மிளகாய் வற்றல் – 4-5
வெங்காயம் (பொடிபொடியா நறுக்கிக்குங்க) – 2
பூண்டு – 5 பல்லு
இஞ்சி – 1 சின்ன துண்டு
கடுகு – 2 tsp
சீரகம் – 2 tsp
தேங்காய் பால் – 200 ml
உப்பு – தேவையான அளவு
எண்ணெய் – 3 Tbsp

செய்முறை விளக்கம்:
1. மாட்டிறைச்சிய கொஞ்சம் மஞ்சள்பொடி சேத்து வேக வச்சுக்குங்க. ரொம்ப வெந்தா ரப்பர் மாதிரி ஆகிடும். உங்களுக்கு அப்படித்தான் பிடிக்கும்னா மட்டும் கொஞ்சம் அதிகமாவே வேகவிடுங்க
2. ஒரு பொரித்தட்டுல கொஞ்சம் எண்ணெய் விட்டு, ஏலக்காய், பெருஞ்சீரகம், கிராம்பு, கருவேப்பிலை, உளுத்தம் பருப்பு, வெந்தயம், மிளகாய் வற்றல் சேத்து வதக்குங்க. வெந்தயம் கருகாம பாத்துக்குங்க.
3. உளுந்து கொஞ்சம் செவக்கும் போது, நறுக்கி வச்ச வெங்காயம் (நறுக்கினதுல பாதி எடுத்துக்குங்க), இஞ்சி, பூண்டு சேத்து திரும்பவும் வதக்குங்க
4. வெங்காயம் ஒரு சிவப்பு நிறத்துலஆன உடனே, அடுப்ப நிருத்தீடுங்க. நல்லா சூடாறின உடனே, மின் அம்மில, கொஞ்சமா தண்ணிவிட்டு அரைச்சுக்குங்க; ஒரு துவையல் பதமா இருந்தா போதும்
5. ஒரு இருப்புச்சட்டில, எண்ணெய் ஊத்தி, சூடான உடனே, கொஞ்சம் கடுகு சேருங்க.
6. கடுகு வெடிக்கும்போது, கொஞ்சம் சீரகம், மிச்சம் இருக்கற கருவேப்பிலைய சேருங்க
7. கருவேப்பிலை கொஞ்சம் மொருமொருன்னு ஆனதுக்கு அப்பறம், வேக வச்சு வடிகட்டின மாட்டிறைச்சிய சேருங்க
8. கொஞ்சம் வதக்கினதுக்கு அப்பறம், அரைச்சு வச்ச விழுத சேருங்க
9. இந்த கலவையோட, தேங்காய்பால் சேருங்க; தேவையான அளவு தண்ணி சேத்து கொதிக்க விடுங்க
10. கடசியா உப்பு சேத்து, நல்லா கொதிச்ச உடனே, அடுப்ப அணைச்சிடுங்க

அப்பறம்…அப்பறம் என்ன…தட்டுல சோறு எடுத்துக்குங்க, ஒரு கரண்டி பீப் மெட்ராஸ் ஊத்திக்குங்க, உருளைக்கிழங்கு வறுவல் இருந்தா அதையும் எடுத்துக்குங்க…அவ்வளவுதான்…ஜமாயுங்க!!
ஒரு ‘change’க்கு – மசாலா பொருட்கள வதக்கும் போது, கொஞ்சம் வித்தியாசமா சுவை வேணும்னா, 2 Tbsp வறுத்த வேர்க்கடலையோ இல்ல 2 Tbsp எள்ளோ சேத்துக்குங்க. துருவின தேங்காய் இருந்தா, அத ஒரு 2 Tbsp சேத்து வறுத்து, அரைச்சு, மாட்டிறைச்சியோட சேத்து கொதிக்க விடுங்க…மடக்கு மடக்குனு சோத்தோட தொண்டைக்குள்ள இறங்கும் பாருங்க…வாரத்துல ரெண்டு நாள் இனி பீப் மெட்ராஸ் தான்னு முடிவு பண்ணினா கூட ஆச்சரியமில்ல!!

அன்னிக்கி நண்பர்களோட ஒரு கேரள வகை உணவகத்துக்கு போய் இருந்தேன். சாதரணமா கும்பலா போனா, ‘starters’னு சொல்ற ‘ஆரம்பத்தீணி’ கட்டாயம் இருக்கும். அன்னிக்கி அப்படி திண்ணதுதான் பெப்பர் சிக்கன். மசாலா, காரம் எல்லாம் சரியான அளவுல இருந்துச்சு…5 பேருக்கு பத்தலன்னுதான் சொல்லனும். அதுக்காக starters மட்டுமே திரும்ப திரும்ப சொல்லிட்டு இருந்தா, ‘main course’ நாதி இல்லாம போயிடுமேன்னு ‘மீண்டும் starters’ யோசனைய கை விட்டுட்டோம்.

அதுக்கு அப்பறம் போன வாரம், சிக்கன் சமைக்கலாம்னு நினைச்ச போது, பெப்பர் சிக்கன் செஞ்சா என்னனு ஒரு பொறி கெளம்பிச்சு. இது வரைக்கும் வீட்ல செஞ்சதே இல்ல…அதுனால இணையத்தின் உதவிய நாடினேன். ஒரு இணையதளத்துல இருக்கற சமையல் குறிப்புக்கு ஏத்த மாதிரி வீட்ல எல்லா பொருளும் இருக்காது. அதுனால ஒரு ரெண்டு மூணு தளத்த பாத்துட்டு, வீட்ல இருக்கற பொருட்களுக்கு ஏத்தா மாதிரி, கொஞ்சம் என்னோட ‘ஆக்கமுடைமையும்’ கலந்து சமைக்கறதுதான் என் இஸ்டைல் 🙂

பாத்த பல தளங்கள், ஒரு 30 நிமிஷத்துல இருந்து 2 மணி நேரத்துக்கு மசாலா பொருட்கள சேத்து, சிக்கென ஊறவைக்க சொன்னது. 8:௦௦ மணிக்கு இரவு சாப்பாடு என்னனு முடிவு பண்ணி, 9:00-9:15குள்ள சமைச்சு, 9:30 மணிக்கு சாப்பிட உக்காரனும்னா…இது மாதிரி ‘marinate’னு சொல்ல படற ஊற வைக்கற ஜோலி எல்லாம் வேலைக்கே ஆகாது.
அப்ப…பெப்பர் சிக்கன்…பெப்பரப்பனு போச்சான்னு தான கேக்க போறீங்க…அதுதான் இல்ல. அப்படியே அந்த உணவகத்துல சாப்பிட்டா மாதிரியே இருந்ததுங்க! நம்ப மாட்டேன்னு சீன் போட்டீங்கன்னா…நீங்களே செஞ்சு பாருங்க…நம்புவீங்க!!

எவ்வளவு பேர் சாப்பிடலாம்
: அது சாப்பிடறவங்களோட ‘பசி’ மற்றும் ‘சிக்கன் பிரியத்த’ பொருத்தது; சரி சரி…இதோட என் மொக்கைய நிறுத்திக்கறேன்!! 2 பேர் தாராளமா சாப்பிடலாங்க

தேவையான பொருட்கள்
:

கோழிக்கறி(chicken breast)-300 gm

வெங்காயம்(brown onion)-2, நல்லா பொடிபொடியா நறுக்கிக்குங்க

வெள்ளை பூண்டு(garlic cloves)-4 பல்(இதையும் பொடிபொடிய நறுக்கிக்குங்க; அந்த அளவுக்கு பொறுமை இல்லனா…பெருசாவே வெட்டிக்குங்க (எப்படியும் அரைக்கத்தான் போறோம்)

இஞ்சி (ginger)-ஒரு சிறு துண்டு (5cm அளவு சரியா இருக்கும்) (இத விட தெளிவா தமிழ்ல எப்படி எழுதறதுனு தெரியலங்க!!)
பெருஞ்சீரகம் – 1 Tbsp (பெருஞ்சீரகம் taste நல்லாவே பிடிக்கும்னா…1.5 ஆக்கிக்குங்க)
சீரகம் – 1 Tbsp
மஞ்சள்பொடி – 2 சிட்டிகை
மிளகு – 2 Tbsp(காரம் கொஞ்சம் தூக்கால வேணும்னா, 2.5 Tbsp சரியா இருக்கும்)
கருவேப்பிலை – 2 கொத்து (10-15 இலை இருக்கறா மாதிரி எடுத்துக்குங்க)
கிராம்பு – 4
ஏலக்காய் – 3
எண்ணெய் – 4-5 Tbsp (பொறிக்கவும் கூடாது…நல்லா ருசியாவும் இருக்கனும்னா, 5 Tbsp எண்ணெயானு வாய பொளக்காதீங்க!!)
உப்பு – தேவையான அளவு

செய்முறை விளக்கம்:
–> சிக்கன கழுவிக்குங்க; சின்ன சின்னதா நறுக்கிக்குங்க (‘bite size pieces’ சொல்லுவாங்க…அது மாதிரி)
–> கொஞ்சம் மஞ்சபொடியும், உப்பும் போட்டு, வேக வைய்யுங்க
–> சிக்கன் வேகற நேரத்துல, ஒரு பொரித்தட்டுல கொஞ்சம் எண்ணெய் ஊத்திக்குங்க (1.5 Tbsp சரியா இருக்கும்)
–> நல்லா சூடான உடனே, சீரகம், பெருஞ்சீரகம், ஏலக்காய், கிராம்பு, கருவேப்பிலை (எடுத்து வச்சதுல பாதி), மிளகு எல்லாத்தையும் எண்ணெய்ல வதக்குங்க
–> மிளகு, கிராம்பு வெடிக்க ஆரம்பிக்கும் போது, நறுக்கி வச்ச வெங்காயத்துல பாதி, நறுக்கி வச்ச பூண்டு, இஞ்சிய சேருங்க
–> வெங்காயம் நல்லா செவப்பான உடனே, அடுப்ப நிறுத்தீடுங்க
–> சூடாறினதுக்கு அப்பறம், மின் அம்மில (mixie) ரொம்ப கம்மியா தண்ணி ஊத்தி அரைச்சுக்குங்க. ஒரு துவையல் பதத்துல இருக்கட்டும். ரொம்ப தண்ணி ஊத்தினா, அப்பறம் சிக்கனோட போட்டு கலக்கும் போது, பெப்பர் தனியா சிக்கன் தனியா சண்டை போட்டுக்கிட்டு இருக்கும்!
–> தேவையான உப்பு போட்டு, ஒரு சுத்து அரைய விடுங்க
–> அதே பொரித்தட்டுல, ஒரு 3.5-4 Tbsp எண்ணெய் விடுங்க. சூடான உடனே, மிச்சம் இருக்கற நறுக்கி வச்ச வெங்காயத்த சேருங்க. ஒரு சிட்டிகை மஞ்சபொடி இங்க சேத்துக்கலாம்
–> வெங்காயம் கொஞ்சம் நல்லாவே செவப்பாகட்டும் (கருகாம பாத்துக்குங்க); அப்பறம் மிச்சம் இருக்கற கருவேப்பிலைய சேருங்க
–> கருவேப்பிலை கொஞ்சம் மொருமொருப்பு வந்த உடனே, வேக வச்சு, வடிகட்டின சிக்கன் துண்டுகள பொரித்தட்டுல போடுங்க
–> ஏற்கனவே வெந்ததுனால, ரொம்ப வதக்கனும்னு அவசியமில்ல. அரைச்சு வச்ச விழுதையும் போட்டு, நல்லா சிக்கன் துண்டுகளோட சேருங்க
–> அவ்வளவுதான்!! அடுப்ப சின்னதாக்கிட்டு, ஒரு 2-3 நிமிஷம் விட்டுடுங்க. சுடசுட சூப்பர் பெப்பர் சிக்கன் தயார்!!

நாங்க அன்னிக்கி இரவு சாப்பாட்டுல குழம்புக்கு தொட்டுகிட்டோம்; ஆனா, அடுத்த மொறை, தண்ணி அடிக்கும் போது, வீட்ல சைடு டிஷ் செஞ்சா…கட்டாயம் ‘பெப்பர் சிக்கன்’ தான்னு முடிவு செஞ்சுட்டேன்!!

பூசணினு சொன்ன உடனே எனக்கு நினைவுக்கு வர்றதெல்லாம் அதோட அசட்டு தித்திப்பும், எவ்வளவு பெருசு பெருசா வெட்டி வேக வச்சாலும், வச்ச கொஞ்ச நேரத்துலியே, “நான் வெந்துட்டேன்”னு கொழைஞ்சு நிக்கற கோலமும் தான்.
முட்டை கோஸ், காரட் அளவுக்கு பெருசா பூசணி மேல வெறுப்பு இல்லாட்டியும், உருளை, கோவக்காய் அளவுக்கு விருப்பமும் இல்ல.

ஏற்கனவே சொன்ன மாதிரி, கல்யாணத்துக்கு அப்பறம், இந்த மாதிரியான ‘அடிப்படையற்ற’ வெறுப்புகள களைஞ்செறிய நல்லாவே முயற்சி எடுக்கறேன்.

அப்படி ஒரு முயற்சில முளைத்ததுதான் இந்த பூசணி கறியல் (கறியல் பெயர் காரணம் – கறி என துவங்கி…துவையல் பக்குவத்தில் முடிந்ததனால், இதற்கு இப்பெயர் சூட்டப்பட்டது!)

சமையல்ல நான் பூசணிய சேக்கறது..ஒன்னு கொழம்புல இல்ல கூட்டுல. கூட்டுல காரம் கொஞ்சம் தூக்கலா, இஞ்சி பூண்டு சேத்து என்னென்னவோ செஞ்சு பாத்தேன். அந்த 100 % திருப்தி மட்டும் ஏற்படவே இல்ல!

அன்னிக்கி இரவு சாப்பாட்டுக்கு என்ன செய்யலாம்னு…யோசிச்சுகிட்டே குளிர்ப்பதன பெட்டிய தொறந்தேன்

நமக்கு தெரிஞ்சவங்க…ஆனா பெருசா அவங்க கிட்ட முகம் குடுத்து பேச இஷ்டம் இல்லாத போது, முடிஞ்ச அளவுக்கு அவங்க கண்ண சந்திக்காம இருக்க நினைப்போம்ல. அதே மாதிரியான உணர்வு தான் அன்னிக்கி எனக்கு. ஆனா…இதுமாதிரி ரெண்டு மூணு தடவை, பூசணிய சந்திக்காம இருக்க எடுத்த முயற்சிகள் காரணமாக…பூஞ்சணம் பூத்த பூசணி, குப்பைத்தொட்டிக்கு இறை ஆனதுதான் மிச்சம்.

இதெல்லாம் சரிபட்டு வராதுன்னு முடிவு பண்ணினேன். அப்ப ‘அட்றாசக்கை’னு கண்ணுல பட்டது ஒரு புதினா கட்டு.

சரி கூட்டும், புதினா துவையலும் பண்ணலாமுன்னு யோசிச்சுகிட்டே அடுப்பு பக்கம் வர்றதுக்குள்ள..மூளைக்குள்ள ஒரு கசமுசா….பூசணியையும் புதினாவையும் சேத்துவச்சா என்னனு தோணிச்சு; நல் இல்லறத்தின் பலனாக பிறந்தது….நம்ம பூசணி கறியல்!!

இந்த முறை தமிழ்லியே சமையல் குறிப்பும்…

நாங்க ரெண்டு பேரும் இரவு சாப்பாட்டுக்கு எடுத்தது போக, நான் அடுத்த நாள் மதிய உணவுக்கும் கொண்டு போனேன். அதுனால ஒரு 3 பேருக்கு இந்த அளவு பத்தும்.

மஞ்ச பூசணி – 300 – 400 gm
புதினா (நறுக்கி) – ஒரு கட்டு
காய்ந்த மிளகாய் – 4-5
கடலை பருப்பு – 2 Tbsp
உளுத்தம் பருப்பு – 2 Tbsp
உடைத்த வேர்கடலை – 8 -10
வெள்ளை எள் – 1 Tbsp

துருவின தேங்காய் – 2 Tbsp
கடுகு – 1 Tbsp
எண்ணெய் – தேவையான அளவு
உப்பு – தேவையான அளவு
மஞ்சள் தூள் – ஒரு சிட்டிகை

செய்முறை விளக்கம்

1. பூசணிய துண்டு துண்டா வெட்டி கொஞ்சம் மஞ்சள் பொடி, உப்பு சேத்து வேக வைய்யுங்க (துவையலாக்க போறதுனால, கொஞ்சம் நல்லாவே வெந்தா கூட பரவாயில்லை)
2. பூசணி வேகர நேரத்துல, ஒரு பொரித்தட்டுல கொஞ்சம் எண்ணெய் ஊத்தி, கடலை பருப்பு, உளுத்தம் பருப்பு, காய்ந்த மிளகாய வறுக்கணும். உளுத்தம் பருப்பு கொஞ்சம் சிவப்பாகும் போது, வேர்கடலையும், எள்ளும் சேருங்க.
3. கொஞ்சம் வறுத்ததுக்கு அப்பறம், நறுக்கி வச்ச புதினாவ சேருங்க.புதினாவையும் தண்ணி வத்தும் அளவுக்கு வதக்கிட்டு, தேங்காய சேருங்க.
4. கொஞ்சம் தேங்காய் செவப்பான உடனே, அடுப்ப நிறுத்தீடுங்க
5. சூடு தணிஞ்சதுக்கு அப்பறம்,கலவை இயந்தரத்துல (mixer grinder ) கொஞ்சமா தண்ணி விட்டு அரைங்க. கடைசில கொஞ்சம் உப்பும் சேத்து இன்னொரு தடவை அரைச்சுக்குங்க.
6. அதே பொரித்தட்டுல கொஞ்சம் எண்ணெய் ஊத்தி, கடுகு சேருங்க. கடுகு வெடிக்கும் போது, வேக வச்சு வடிகட்டின பூசணிய சேருங்க.
7. இதுல அந்த அரைச்சு வச்ச புதினா கலவைய சேருங்க.
8. பூசணியும் நல்லா வெந்ததுனால, நல்லாவே துவையல் பதத்துக்கு வந்திடும்.
9. எற்கனவே உப்பு சேத்ததுனால, இப்ப தேவை படாது. வேணும்னா இன்னும் கொஞ்சம் சேத்து, தேவையான பதத்துக்கு வந்த உடனே அடுப்ப நிறுத்தீடுங்க

ரெண்டு வாரம் ஆனதுனால, என்ன குழம்பு செஞ்சேன்னு நினைவில்ல. ஆனா வெறும் சாதத்துல கொஞ்சம் நல்லெண்ணெய் ஊத்தி, இந்த கறியலையும் சேத்து பெசைஞ்சு, அப்பளம் தொட்டு சாப்பிட்டது மட்டும் நினைவிருக்கு. நெசமாவே சொல்றேன்…தாறுமாறா இருந்துச்சு!! இனி பூசணி வாங்கறா மாதிரி இருந்தா…ஒரு கட்டு புதினா வாங்காம வீட்டுக்குள்ள நுழைய மாட்டேன்னு…சபதம் எடுத்துட்டேன்னா பாத்துக்கோங்க!!

என் இனிய தமிழ் மக்களே!!!

முட்டைகோஸை கண்டாலே 10 அடி தூரம் தள்ளி நிற்கும் என் போன்றவர்களுக்கு, இந்த பதிவு சமர்ப்பணம்!

மத்தவங்க எஸ் ஆகணும்னு சொல்லலீங்க…ஏதோ பாரதிராஜா touch குடுக்கலாம்னு பாத்தா…

ஸ்கூல், காலேஜ், படிக்கற காலங்கள்ல, நானும் காய்கறிகளும் டிபிகல் மாமியார் மருமகள் மாதிரி. குடுமிபுடி சண்டை நடக்கும்போது கணவன்மார்கள் வந்து சண்டைய தீத்து வைக்கறா மாதிரி எனக்கு அந்த நேரங்கள்ல துணை இருந்தது, பக்கத்துல இருந்த தண்ணி சொம்புதான். அதுவும் வீட்ல carrot பொறியல் இல்ல கோஸ் பொறியல் பண்ணினாங்க….அன்னிக்கி தண்ணி ஒரு ரெண்டு மூணு சோம்பு காலி பண்ணுவேன். அந்த சமயங்கள்ல என்ன பெத்தவ பட்ட பாடு…சொல்லி மாளாது.

அப்பெல்லாம் சமையல்கட்டுக்கு நொறுக்கு தீனிய தேடி கண்டுபுடிக்க, இல்ல மூணு விசில் சத்தம் கேட்டா அடுப்ப அணைக்கவோ தான் போயிருக்கேன். அந்த ‘அம்மாவுக்கு ஒத்தாசையா இருக்கும் தருணங்கள்’ல வீட்ல கோஸ் சமைச்சிருந்தாங்க….அவ்வளவுதான். வடிகட்டின தண்ணில ‘ஊற்றெடுக்கும்’ அந்த (துர்)நாற்றம் இருக்கு பாருங்க…அப்படியே மூக்கு வழியா பயணத்த கெளப்பி, மூச்சு குழாய் bypass வழியா, சிறுகுடல், பெருங்குடல் கொண்டை ஊசி வளைவுகள(hairpin bend )தாண்டி, வயித்து கதவ தட்டி,…”மவனே பசிக்குதுனு சத்தம் போட்ட…முட்டகோஸ வச்சே சாத்துவேன். அப்பறம் ஐயோ அம்மானு கத்தினா…கேக்க யாரும் வர மாட்டாங்க”,னு ஒரு அறிக்கை விடும். இதுக்கு அப்பறம் வாயே பரவாயில்லைனாலும், அந்த நாத்தம், கோஸ் கறிக்கும், வாய்க்கும் நடுவுல நந்தி மாதிரி நிக்கும்!!!

உங்களுக்கு இந்த வெறுப்பு கொஞ்சம் ஓவராவே தோணலாம்; யதார்த்தந்தாங்க…ஏனா பட்டவன் வலி பாக்கறவனுக்கு தெரியாது பாருங்க!!!

சரி மேட்டேர்க்கு வரேன்…

கீர்த்தனாரம்பத்திலே காய்கறிகளின் பரமவிரோதியாய் இருந்த அனு….கல்யாணத்துக்கு அப்பறம் ஒரு ‘U ‘ turn அடித்த கதை….பெருங்கதை!!

‘சுத்தமா பிடிக்காது’ல இருந்து தாவி, ‘சுமாரா பிடிக்கும்’ கட்டத்துக்கு வந்து…இப்ப ‘சூப்பராவே பிடிக்கும்’ கட்டத்துல வந்து நிக்கறேன்.

இவ்வளவு மாறினதுக்கு அப்பறமும் அந்த கோஸின் ‘ghost’ மட்டும் என்ன விடாம தொறத்திட்டு இருந்தது 😦

நானா முட்டகோஸானு பாத்துடுவோம்னு முடிவு பண்ணினேன். சனிகிழம அரை கிலோ கோஸ் வாங்கினேன்.

ஒரு சமையல் குறிப்பு பதிவுல, cauliflower வச்சு பொறியல் குறிப்பு ஒன்னு போட்டிருந்தது. ரெண்டு மூணு தடவை வீட்ல செஞ்சு பாத்திருக்கேன். அன்னிக்கி அது பட்டுன்னு நெனவுக்கு வந்தது.

கோஸ் உள்ளே…cauliflower வெளியே!! அப்பறம் கொஞ்சம் என் ஆக்கத்திறன சேத்து இரவு சாப்பாட்டுக்கு side dish தயார்!!!

என் சமையல்கட்டுல உருவான கோஸ் பஜ்ஜி கறி குறிப்பு இனி…

Serves – 4 (இந்த கணக்கு side dishaa சாப்பிட்டா; இத மெயின் டிஷ்ஷா சாப்பிட்டுட்டு, தப்பு கணக்கு போட்டுட்டியேன்னு என்ன குத்தம் சொல்லாதீங்க!!)

தேவையான பொருட்கள்…

முட்டைகோஸ் – 300-400 gm

கடலைமாவு – 4-5 Tbsp

Ginger Garlic பேஸ்ட் – 1 Tbsp

தயிர் (Yoghurt) – 1-1.5 Tbsp

மிளகு தூள் – 1 tsp

மிளகாய் தூள் – 1 Tbsp

உப்பு – தேவையான அளவு

மஞ்சள் போடி – 1 tsp

எண்ணெய் – 5-6 Tbsp (‘அட கடவுளே’னு வாய பொளக்காதீங்க….எண்ணெய்ல கறாரா இருந்தா….கறியும் கறாரா கூழ் மாதிரி தான் வரும்)

செய்முறை விளக்கம்…

1 முட்டைகோஸை நீட்ட நீட்டமா (long thin strips) வெட்டிக்கோங்க. கொஞ்சம் மஞ்சள் தூள் சேத்து வேக வைங்க.

2 அது வேகர நேரத்துல, கடலை மாவு கலவைய தயார் பண்ணுங்க. எண்ணெய தவிர மத்த எல்லா பொருட்களையும் சேத்து ஒரு பசை மாதிரி செஞ்சு வச்சுக்கோங்க (தண்ணி ஊத்த தேவை இல்ல)

3 கோஸ் ரொம்ப வேக வேணாம், கொஞ்சம் வெந்த சமயத்துல அடுப்ப அணைச்சிட்டு, வடிகட்டிட்டு, கோச செஞ்சு வச்ச கடலைமாவு பசையோட சேருங்க (அந்த (துர்)நாற்றம் பத்தி ஒன்னுமே சொல்லலியேன்னு நெனைக்கறீங்க…சரிதான…காய்கறி அணில சேந்ததுக்கு அப்பறம், இந்த சின்ன ‘adjustment’ கூட பண்ணிக்கலேனா அணிதர்மத்துக்கு பங்கம் ஏற்படும் பாருங்க..!!!)

4 ஒரு 5 நிமிஷம் கழிச்சு, பொறித்தட்டு (frying pan)ல கொஞ்சம் தாராளமாவே எண்ணெய் ஊத்தி சூடாக்குங்க. சூடான ஒடனே, இந்த கோஸ் கடலைமாவு கலவைய கொஞ்சம் கொஞ்சமா சேருங்க.


5 பொறித்தட்டு ‘non-stick’ பாத்திரமா இருந்தா ரொம்ப நல்லது. தட்டுல போட்ட கலவைய ஒரு கொத்து ரொட்டி பண்ற ஸ்டைல்ல சட்டுவத்தால பிச்சுபோடுங்க (பாத்திரம் நான்-ஸ்டிக்கா இருந்ததுனா…மறந்துகூட stainless steel அகப்பைய பயன்படுத்தாதீங்க!!)

6 அடுப்ப சின்னது பண்ணிட்டு, அப்படியே ஒரு 5 நிமிஷத்துக்கு விட்டுடுங்க. அந்த நேரத்துல சாப்பாடுக்கு தேவையான கொழம்பு வகைறாக்கள தயார் பண்ணுங்க. அப்பப்ப கவனம் பொறியல் மேலயும் இருக்கட்டும்.

7 உப்பு, காரம் சரியா இருக்கானு பாத்துட்டு, தேவையான அளவு முறுமுறுப்பு வந்த ஒடனே அடுப்ப அணைச்சிடுங்க.

அன்னிக்கி கொழம்புக்கு, நீத்து அவங்களோட ‘spicytasty’ பதிவ துணைக்கு சேத்துகிட்டேன். ரெண்டு மூணு மாசம் முன்னாடி, அவங்க பதிவ பாத்து எண்ணெய் கத்திரிக்காய் பண்ணினேன். கன்னாப்பின்னானு இருந்துச்சு. முக்கியமா அந்த வேர்கடலை, எள்ளு போட்டு செஞ்ச கொழம்பு தூள் கெளப்பிச்சு.

சரி கத்திரிக்காய் இல்லேனா என்ன…கொழம்ப மட்டும் செய்வோம்னு முடிவு பண்ணினேன்.

சாதம், கொழம்பு, கோஸ் பஜ்ஜி கறி, உருளைகிழங்கு சிப்ஸ்…என் கண்ணே பட்டுடும்போல இருந்துச்சு 😉 சரி யாம் பெற்ற இன்பம், பெருக இவ்வையகம்னு….பதிவா இப்ப உங்க முன்னாடி!!

மேற்கத்திய உலகத்துல பிடித்த பல விஷங்கள்ல சாப்பாடும் ஒன்னு. நம்ம ஊர்ல (அதான் சிங்கார சென்னைல) உங்க வீட்ல எப்படின்னு தெரியல…ஆனா எங்க வீட்ல சாப்பிடற சாப்பாடும் ஹோட்டல் சாப்பாடும் என்னைக்குமே ஒரே மாதிரி இருந்ததில்லை.

வீட்ல அம்மா பண்ற சாம்பார், மோர் குழம்பு எல்லாம் ஒரு மாதிரினா, அதயே ஒரு ஹோட்டல்ல சாப்பிடும்போது ஒரு புது வகை கொழம்ப சாப்பிடற மாதிரிதான் இருக்கும்.

அம்மா சமையல விட்டுத்தள்ளுங்க…கொஞ்சம் சூப்பராவே சமைப்பேன் நான் (நக்கல் இல்லீங்க…நெசமாத்தான்). ஒவ்வொரு தடவையும் “இந்த தடவை வந்துடும்…வந்துடும்”னு பாக்கறேன், நம்ம ஊரு ‘கார்த்திக் டிபன் சென்டர்’ வடகறி மாதிரி வீட்ல வர்றதுக்கான சாத்தியகூறுகளே தெரியல:(
அதுவும் ஒரு விதத்துல நல்லதுதான் பாருங்க…ஹோட்டல் சுவை வீட்லியே வந்துடுச்சுனா கொஞ்சம் அலுத்து போயிடும். அதுக்கு தீர்வு…வாரத்துக்கு ஒரு தடவை ஒரு சினிமா, முடிச்ச கையோட ஒரு நல்ல ஹோட்டல்ல வீட்ல சமைக்காத ஒரு டிஷ்…!!!

நம்ம ஊரு சாப்பாடு மட்டும்தான் இப்படி. இங்க ‘Thai’, ‘Chinese’, ‘Mexican’ வகை சாப்பாடுகள் எல்லாம் பாத்தீங்கன்னா, சரியான மசாலா வகைறாக்கள வாங்கி சமைச்சா, அந்த ஹோட்டல்ல கெடைக்கற அதே taste வீட்லயும் கெடைக்கும்.
அந்த விதத்துல பிரியாணிக்கு அடுத்தபடியா எங்க வீட்ல சும்மா சும்மா செய்யற டிஷ், ‘spaghetti bolognese ‘(ஸ்பகெட்டி போலோனைஸ்). இது ஒரு இத்தாலிய சாப்பாடு. வீட்ல மாட்டு கொத்திறைச்சி (beef mince) வாங்கினா, கூடவே ஸ்பகெட்டி மற்றும் போலோனைஸ் சுவைச்சாறு (sauce) வாங்கறது வழக்கம்.

போன வாரம் கொஞ்சம் மாத்தியோசிக்கலாம்னு நினைச்சு, கோழி கொத்திறைச்சி வாங்கினேன். “உன்னால முடியும்…இன்னும் கொஞ்சம் மாத்தியோசி”னு ஒரு அசரீரி சொல்லிச்சு. சாதரணமா இறைச்சிய வதக்கி, மேல சாஸ் ஊத்துவேன். எத மாத்தலாம்னு யோசிச்சபோது, இன்னொரு இத்தாலிய சாப்பாடு நினைவுக்கு வந்தது. ‘ஸ்பகெட்டி மீட்பால் போலோனைஸ்’ (spaghetti meatball bolognese ). இதுல ஒரேஒரு வேறுபாடு என்னன்னா, கொத்திறைச்சி கறிய பந்து மாதிரி உருட்டி, கொஞ்சம் எண்ணெய்ல வதக்கி, சாஸ்ல போடணும்.
நம்ப மாட்டீங்க…கண்ணாபின்னான்னு வந்துச்சு. அதுதான் கட்டாயம் என் வலைப்பதிவுல ஒரு சிறிய பகுதிய அர்ப்பணிக்கனும்னு முடிவு பண்ணினேன்.

இனி ‘தேவையான பொருட்கள்’ மற்றும் ‘செய்முறை விளக்கம்’ ஆங்கிலத்துல…

Ingredients
Chicken mince – 400 g
Red onion (finely diced) – 2 (use one for the mince balls and one when adding the Bolognese sauce)
Garlic (finely diced) – 3 cloves
Ginger (finely diced) – a small bit
Mint leaves (finely chopped) – 10-15 leaves
Coriander leaves (finely chopped) – 1/4th of a bunch
Green chillies (finely chopped) – 1 or 2
Olive oil or vegetable oil – 3 Tbsp
Sesame seeds – 3 Tbsp
Bread crumbs – quarter of a cup
Bolognese sauce – 1 bottle (400gm I believe)
Spaghetti – 300 – 350 gm (I prefer the thin ones)
Chilli flakes – as desired
Pepper powder – as desired
Salt to taste
Serves – 4

Method:
1. In a bowl, to the cleaned chicken mince, add chopped onions, garlic, ginger, mint, coriander and green chillies. Add oil, desired amount of pepper powder and salt.
2. Mix thoroughly.
3. Preheat the oven to 250C (in the bake mode). While the oven preheats, make small mince balls (size of a gooseberry would be fine)
4. Make a mixture of sesame seeds and breadcrumbs in a bowl. Quickly dip the mince balls in the mixture and place them on a baking tray (don’t forget to use a layer of baking paper on the tray)
5. Place the try in the preheated oven and bake the mince balls for 35 minutes or till the outer layer becomes golden brown (I am sure you will get reminded of vengaaya bonda when you look at the end product!!!)
6. While baking is in progress, boil desired amount of water in a large saucepan. When it boils, add the spaghetti sticks. Cooking instructions differ from brand to brand…so you are better off following the directions on the packet. Once cooked, drain and leave it aside.
7. When you think the mince balls are well baked, pierce one with a fork to check it is cooked completely.
8. Heat a Tbsp of oil in a saucepan. To this add the rest of the chopped onions. Once it turns brown, add the Bolognese sauce and desired amount of water (depending on the consistency you need).
9. If you are not a big fan of the sweet taste of the Bolognese sauce, add generous amounts of chilli flakes and pepper powder. Add salt if desired.
10. Once the sauce begins to boil, add the baked mince balls.
11. Give it a stir and let it stand on medium heat for 3-4 minutes.
As the delicious flavors of the baked mince and Bolognese fill your kitchen, your noses might feel triumphant…not realising that the triumph is only short lived. Get a handful of spaghetti in serving bowls and add generous amounts of Bolognese with 3-4 mince balls on top. To give it that ultimate finishing touch, grate some Parmesan.
And when the fork introduces the mince ball wrapped in spaghetti into your mouth….the nose surrenders and the mouth lifts the cup!!!

எனக்கு தான் தெரியல போல…சிக்கன் குர்மா, சிக்கன் குழம்பு, பெப்பர் சிக்கன், அப்பறம் பாதாமி சிக்கன், பட்டர் சிக்கன் போன்ற வடநாட்டு வகையறாக்கள்…எப்படி பாத்தாலும் ஒரு evening dinner க்கு உகந்த, simpleஆன, குழம்பு மாதிரி இல்லாத சிக்கன் டிஷ் ஒன்னுமே எனக்கு தோணல.

ஒரு weekday …அதுவும் அடுத்த நாள் வேலைக்கு போகணும். இந்த மாதிரி நேரத்துல சிக்கன் 65 எல்லாம் chanceae இல்ல.

சைவம் சமைக்கலாமானா…fridge ல அந்த சிக்கன் துண்டு, “என்ன கவனிக்கவே மாட்டியா?”னு ஒரு அழுகுரல எழுப்பிகிட்டு இருக்கு. இதுல எனக்கும் எப்பவும் செய்யற டிஷ் பண்ண mood இல்ல. சரி ஒரு வத்தல்குழம்பு வச்சு, சிக்கன் பொறியல் மாதிரி பண்ணலாம்னு தோணிச்சு.

என் அருமை கணவர் உடனே, “சிக்கன் பொறியலா …வீணா போக போதுமா; எப்பவும் பண்ற குழம்பையே வச்சுடேன்” னு சொல்ல, “உனக்கு வேற இல்லை”னு சொல்லிட்டு நான் பொறியல் பண்ண கெளம்பிட்டேன்.


சமையல்கட்டுல சுளுவா சமைக்க கெடைச்ச வரபிரசாதம், conventional oven தான். அன்னிக்கும் இந்த oven தான் சிக்கன் பொறியலுக்கு உதவிச்சு.
சிக்கன் oven ல ரோஸ்ட் ஆகும் சமயத்துல பொறியலுக்கு தேவையான மத்த பொருட்கள தயார் பண்ணினேன். அதே சமயத்துல அரிசியையும் cooker ல வச்சுட்டு, வத்தல்குழம்பை அடுப்புல கொதிக்க வச்சேன்.
இப்ப சிக்கன் பொறியல் செய் முறை விளக்கத்துக்கு வருவோம்…தமிழ்ல கொஞ்சம் திணறுவேன்…அதுனால ஆங்கிலத்துல இனி…

Serves 2
Ingredients:
Chicken breast fillet – 1 or 2 (1 was sufficient for the two of us…in fact we had some leftover that we packed for lunch the next day)
Red onion (diced) – 1
Tomato (diced) – 1
Chickpeas – 1 can (if you are a follower of my blog…you would know that I am a big fan of canned food :))
Chilli powder – 1tsp (or as desired)
Turmeric powder – 1 tsp
Mustard seeds – 1 tsp
Cumin seeds – 1.5 tsp
Ginger garlic paste – 1tbsp
Pepper powder (to marinate) – 1tsp
Coriander leaves – few sprigs
Oil – 2 tbsp
Salt to taste
Method:
1. Wash the chicken fillet and coat it with salt and pepper in a bowl. If oregano is available, also add a pinch of it. Let it stay in the fridge till the oven is preheated.
2. Preheat the oven to 200 deg Celsius and remember to set the oven in ‘Roast/Bake’ mode. The other day I had set the oven on ‘Grill’ mode and ended up having a dry piece of chicken 😦
3. Once preheated, wrap the chicken in aluminium foil and place it in an ovenproof dish. Roast the chicken for 30-35 minutes. Ensure the chicken is not tightly wrapped…once again you might end up with a dry chicken.
4. In the mean time chop the onions and tomatoes. Also drain the chickpeas and have it ready.
5. Once the chicken is roasted, let it cool down (maybe a couple of minutes) and then shred it with your fingers.
6. In a shallow fry pan, add oil and mustard seeds. When the seeds splutter, add cumin seeds. Add onions and fry it till transparent. Then add the ginger garlic paste.
7. Once the raw smell disappears, add tomatoes. When the tomatoes are cooked, add the shredded chicken and stir thoroughly.
8. Now add chilli powder and turmeric powder and give the mixture a stir again.
9. Let the fry pan stand on low heat for a couple of minutes. Finish the recipe with a can of chickpeas.
10. Stir it once again and garnish it with coriander leaves.
Rasam or kuzhambu….you have the perfect side dish. Go on…enjoy chicken in the poriyal form!!
Psst. And you guessed it right….my better half who was initially a bit sceptical, loved the new version of chicken and had a sumptuous dinner 🙂

இங்கிலீஷ்ல தான் எழுதனும்னு நினைச்சேன்….ஆனா ஒரு பொருள அவ்வளவு விரும்பினோம்னா, அத தாய் மொழிய தவிர வேற எந்த மொழில விவரிச்சாலும் இன்னும் கூட பாராட்டி இருக்கலாமோன்னு தான் தோணும்.

“கண்ணே உன்னை புகழ்ந்து தள்ள நினைக்கிறேன்
நினைத்த மாத்திரத்தில் வாயில் எச்சில் வெள்ளம் ஊற்றெடுக்க
மண்ணை கவ்வும் பன்னியாய் தொப்பென விழுகிறேன்”

“போரூருக்கு எந்த பஸ் தம்பி என பெரியவர் வினவ 65 என்றேன்;
தஞ்சை பெரிய கோயில் கோபுரத்தை பார்த்து எவ்வளவு அடி உயரம் இருக்கும் என வியந்த தோழியிடம் 65 என்றேன்;
பிறந்த நாளன்று என் அகவையை கேட்ட அடுத்த வீட்டு மாமியிடம் 65 என்றேன்;
இந்த பித்தம் தனிய ஒரே வழி என முடிவு செய்த கால்கள் முதலில் தென்பட்ட இந்திய உணவகத்தினுள் நுழைந்தது;
“ஒரு பிளேட் சிக்கன் 65 “, என வாய் கெஞ்சியது;
மேசையில் பார்த்த மாத்திரத்தில் 65 பற்கள் வெளியே தெரிய சிரித்தேன்;
65 நொடிகளில் தட்டை காலி செய்தேன்;
65000 வாட்ட் விளக்கு போல் என் முகம் பளிச்சிட்டது!”

சரி சரி கொஞ்சம் ஓவரா இருக்குல.
என்ன பண்ண, நேத்துதான் வீட்டுல நல்லா வெட்டினேன். ஆனா இன்னிக்கி இத எழுதும் போது திரும்பவும் யாராவது செஞ்சு கொடுத்தா நல்லா இருக்குமேன்னு தோணுது.
சிக்கன வெட்டும் போது ஒரு சின்ன நெருடல் இருக்கத்தான் செய்யுது. சாகறுதுக்குனே பொறந்திருக்கேன்னு தோணும். அதெல்லாம் நினைச்சா வேலைக்கு ஆகுமா….சொல்லுங்க!!
இத தயார் செய்ய 65 பொருட்கள் ஒன்னும் தேவை இல்லை…சந்ததி சாக்குல இதையும் சொல்லிக்கிறேன்… மிச்ச பதிவு இங்கிலிஷ்ல தான்.

Serves – 2 (and if you are planning to have friends coming home…make sure you either increase the quantity of the ingredients, especially the chicken or let your friend know that you are preparing for some exams or having a terrible stomach ache and that the catch up needs to be postponed…c’mon I am sure he/she will understand!)

Chicken breast – 400gm
Yogurt – 2-3 Tbsp (Yeah…I settled for the low fat version, but then the word ‘healthy’ disappeared as soon as I dropped the first set of chicken pieces in the frying pan!)
Chilli powder – 1 Tbsp
Ginger Garlic paste – 1 Tbsp
Tandoori colour – 1.5 tsp
Salt to taste
Lemon juice – 1-2 Tbsp
and last but not least OIL – 4 cups

1. Wash the chicken and cut into bite size pieces.
2. In a bowl, mix rest of the ingredients (excluding oil). Drop the chicken pieces in this mixture and mix thoroughly.
3. Refrigerate for atleast an hour.
4. After an hour, heat oil in a pan. Drop the marinated chicken pieces slowly and fry for say 5-6 minutes till the pieces become golden to dark brown.
5. To console your guilty conscience, drain excess oil in paper towels (as if thatz gonna make the recipe healthy!!)
6. Go for a generous squeeze of lemon juice on the fried pieces.

Toss one into your mouth….and just hear the voices in your head saying ‘Thank You’!!